京都人氣懷石料理登陸香港，忍唔住即刻去試。價錢非常合理，六道菜只係 $388。
前菜8小碟賣相精緻已經立刻增加食慾。最印象深刻芝麻豆腐，芝麻味好濃郁，正。
火炙和牛壽司係你面前燒同可以揀幾成熟，和牛切得好薄，入口即溶。
最喜歡的菜式係蟹肉羹鰻出汁蛋卷，個湯又鮮又甜，鰻魚配上蛋卷味道好夾，我真係將所有汁都飲晒。
呢間餐廳賣點係西京漬，味道果然唔錯，但未到有眼前一亮的感覺。
雖然米選用越光米，粒粒分明，但果日的飯就較為硬身亦缺乏米香。😋
總括而言，性價比非常高，而且環境不俗，值得一試 🤗